Nýr samningur
Fyrir stuttu var endurnýjaður samstarfssamningurinn milli sveitarfélagsins og Golfklúbbs Hornafjarðar um rekstur golfvallarins. Nýi samningurinn er til sex ára og í honum felst aukinn fjárstuðningur frá fyrri samningi. Að auki veitti Sveitarfélagið klúbbnum styrk í formi eingreiðslu en hún kemur til vegna 50 ára afmælis klúbbsins en á þeim tímamótum var hafist handa við viðgerðir og endurnýjun á húsnæði félagsins auk þess sem byrjað var á að gera nýja teiga á 9. braut og er það byrjun á því verkefni. Eins og fyrr sagði átti klúbburinn 50 ára afmæli 2021 en þá var klúbbhúsið orðið 40 ára og margt komið á tíma hvað varðar viðhald og endurnýjun. Stefnt er að því að gera húsið þannig að það nýtist félögum og öðrum gestum sem best fyrir félagsstarfið en á undanförnum árum hefur félagsmönnum í klúbbnum fjölgað verulega og umfang starfseminnar aukist að sama skapi. Golfklúbbur Hornafjarðar er fyrirmyndarfélag ÍSÍ sem þýðir m. a. aukna áherslu á starfsemi fyrir börn og unglinga. Siðastliðið sumar var haldið Íslandsmót í 5. flokki karla og næsta sumar mun verða haldið hér á Höfn Íslandsmót í bæði karla og kvennaflokki. Það að þessi mót skuli vera haldin hér á Höfn er gríðarlega mikilvæg viðurkenning fyrir Golfklúbb Hornafjarðar og margir haft á orði að völlurinn sé í frábæru standi. En það má þakka gríðarlega miklu sjálfboðastarfi félagsmana.
Á meðfylgjandi myndi eru Sigurjón Andrésson, bæjarstjóri og Gestur Halldórsson við undirritun samningsins. Golfklúbbur Hornafjarðar þakkar bæjarstjórn fyrir þennan stuðning sem er félaginu afar mikils virði.